Saturday 14 March 2009

ســمــــك فــيــلــيـــه مــحــمــــــر بــالــتــوابـــل


* المقادير:

ــــــــــــــــــ

- بيضة مخفوقة. -

زيت عباد شمس للقلي. -

نصف كوب دقيق.

ملعقة كبيرة فلفل أحمر حار مطحون. -

ملعقتان كبيرتان كزبرة مطحونة. -

ملعقتان كبيرتان كمون مطحون. -

ملعقتان كبيرتان كاري. -

واحد كجم سمك فيليه. -

ملح وفلفل .-

أربع ملاعق كبيرة عصير ليمون.


* التحضير:-

ـــــــــــــــــــــــــــ

امزجي الدقيق مع الكمون والكزبرة والفلفل المطحون والكاري،

ثم اغسلي قطع السمك جيدا وتبليها بعصير الليمون والملح والفلفل. -

أضيفي إلى مزيج الدقيق حوالي ثلاثة أرباع كوب ماء والبيضة

وقلبي جيدا حتى يمتزج الخليط، واتركيه جانبا عشر دقائق. -

سخني الزيت جدا، ثم اغمسي السمك فى مزيج الدقيق حتى يغطى جيدا

وضعيه فى الزيت حتى يصبح لونه بني مائلا إلى الذهبي. -

جففي السمك باستخدام المناديل الكلينكس الخاصة بالمطبخ وقدميه فورا.

10 comments:

  1. طب هاتي حتة يا مفترية
    بحب السمك عاااااااااااااااااااااا
    فيليه
    بانيه
    مارونج لاسية
    صيادية
    سنجاري
    مشوي
    عاااااااااااااااااااااااا

    عاتي حته

    ReplyDelete
  2. آآآآآآآآآآآه يا ستيتة

    تعليق ده ولا مينو

    جوعتيني

    أنا اللي هقول عاااااااااااااااا

    لما تيجي اسكندرية الماريا بإذن الله هأكلك أحلى سمك

    نورتيني بمرورك

    ReplyDelete
  3. الله الله الله لا وكمان هنا السمك اشكال واللوان
    يعنى بالخلطة دى انا هبدع بقى

    تسلم ايدك با قمر

    ReplyDelete
  4. ياااااااه على السمك وطعامته

    اليوم كنت عاملة سمك بوري مشوي و طلع جووونان

    وبحبك السمك الفيليه اووي

    تسلم ايدك يا عسل

    ReplyDelete
  5. حبيبتي نونو

    خليكي جدعه وحطيلنا أصناف خلطات السمك الياباني وطرق طهيها

    أنا بحب التنويع في طرق الطهي وتجربة اللي بتقبله منها

    تحياتي

    ReplyDelete
  6. نوارة اللي منوراني دايما

    ماشي يا عم الطباخ الرهيب

    سمك بوري وسايباني من غير صينية

    هههههههه

    ومين سمعك بقى يا عاشقة الفيليه

    أنا كنت مدمنة فيليه الهامور وقت إقامتي بالخليج

    وكنت بستمتع بحلقة السمك أروح واشوف السمك وهو لسه طالع من المميه بيتنطط

    آآآآآآآآآآآآه ياني يا نواره جوعتينييييييييي

    في انتظارك دايما وعلى فكره حاولت أحط تعليق في موضوع الأناقة الرجالي مش نفع

    كنت عايزه أقولك ابني بيشكرك وعايز مواضيع تاني عن أناقة الشباب

    خالص مودتي وتحياتي

    ReplyDelete
  7. تسلم ايدك يا جميل

    فكرة حلوة للسمك الفيليه

    مع اني مش من انصار عمل اي انواع بحرية في البيت
    علشان الحساسية اللي عندي
    الا اني ممكن احتال علي ماما و اخليها تعملهولي لما اروح عندها


    انا ساعات بعمله بالكورن فليكس

    و ممكن برضه خلطة البهارات ديه مع الشوفان تكون جميلة برضه
    و تخلي السمك مقرمش


    طيب بما انك عندك مدونة مطبخة
    فبعد اذنك انا هحطك في قائمة المدونات المطبخية الشقيقة عندي علي المدونة
    علشان الناس تستفاد منك و من النصائح الجميلة اللي عندك


    جزاك الله خيرا
    و ربنا يجعله في ميزان حسناتك

    ReplyDelete
  8. مدونة مفيدة و متنوعة

    ReplyDelete
  9. مش ممكن

    ملكة الطهي مشرفاني في مدونتي المتواضعة؟

    تعرفي يا موني إني من بعد مازرت مدونتك من أول موضوع صينية الفراخ بالكاري وأنا مكسوفة أحط أي موضوع هنا من جمال مدونتك وعماله أقول لأصحابي عليكي وأنصحهم بزيارتك

    منهم ديدي اللي كتبتلك ايميلها دي بنت عمتي ولما قلتلها عنك جرت تشوف المدونة واستفادت كتير من الحشوات اللي انتي واصفاها

    على العموم أنا سعيدة بتواجدك وتعليقك وطبعا يشرفني انك تضيفيني عندك

    أحبك في الله

    ReplyDelete
  10. أختي المغربية الفاضلة

    أهلا بيكي بس أنا مش فاهمه الاسم بالفرنسي لأن مدرستي كانت ألماني

    ياريت تترجمي لينا اسمك وكمان تعرفينا بيكي أكتر في مدونتك لأني مش لاقيه بيانات عند خالص

    شكرا لمرورك ودمتي سالمة إنتي وكل أخواتنا المغربيات

    ReplyDelete