مصنع آيس كريم هدية لحبيبتي موناليزا

الكشري الإسكندراني

نزولا عند رغبة الجماهير اللي هما

نكهة المغربية ( وش بيضحك قوي ) طبعا هي قليلة ؟ دي بتعمل الكسكسي بالكسكاس

هقدم النهاردة الكشري الإسكندراني إللي هو الكشري الأصفر

وده طبعا غير الكشري المصري اللي هبقى أحطه ليكم برضه علشان أكون وفيتي بوعدي لحبيبتي نكهة المغرب الجميلة

المقادير

ـــــــــــــــــــــــــ

2 \1 2 كوب أرز -

كوب عدس أصفر -

4ملاعق زيت ذرة -

مقدار من الملح حسب الرغبة -

3بصلات -

مقدار من الزيت للتحمير -

كيلو طماطم للصلصة -

4فصوص ثوم مفرى -

1ملعقة صغيرة كمون

الطريقة

ـــــــــــــــــــــ

1-

يضاف العدس مع الأرز ويغسل جيدا.

2-يسخن الزيت ويضاف إليه مقدار الماء والملح ونتركه على النار حتى يغلى

.3-يضاف إليه الأرز حتى يتشرب ثم نهدى عليه النار حتى ينضج

.4-ثم نحمر الثلاث بصلات حتى يصفر لونها فقط وتصفى من الزيت.

5-ثم تضاف إلى الأرز ويقلب ونتركه على النار 5دقائق ثم نطفئ النار عليه

لعمل الصلصة

ـــــــــــــــــــــــــــــــــ

نعصر الطماطم ونصفيها ثم يسخن الزيت ويحمر فيها الثوم المفرى ويضاف إليه الطماطم والكمون والملح ونتركه على نار هادئة حتى تنضج وتتسبك قليلا.-

يقدم الكشرى بجانب الصلصة

وممكن مع الأكلة دي نحمر بطاطس ومتنسوش السلطة الخضراء

أنا كمان بسلق بيض وبعدين أقشره وأحمره

بالهنا والشفا

بطاطس برضه...لذيذة جدا صدقوني

طريقة البطاطس بتاعتي

زي ماوعدتكم هحط ليكم النهاردة طريقة تانية باستخدام البطاطس المسلوقة

1 - بتسلقوا كمية البطاطس اللي عايزينها

2 - بعد السلق تهرسوها كويس وفيه طريقة سهله للهرس وهي مش بالشوكه لكن تجيبوا كباية وتهرسوا البطاطس في إناء عميق بكعب الكباية دي

3 - بعد كده تقسموا البطاطس المهروسه دي واللي بقت شبه العجينة إلى أكتر من جزء

4 - نتبلوا البطاطس المهروسة بالملح والفلفل

5 - تخلطوا كل جزء بنوع من التوابل

جزء مع كمون ناعم

الجزء التاني مع نعناع جاف ناعم

الجزء التالت مع كسبرة ناشفة ناعمة

جزء رابع مع بهارات مفضلة عندكم

وهكذا لكم حرية الإختيار في المذاق الذي تفضلوه

6 - كل جزء تكونوا منه أشكال كور أو أصابع مبططة أو أصابع أسطوانية زي الكفتة

7 - فيه بقى طريقتين للتغطية قبل التحمير

أولا : نغطي الأشكال دي بالدقيق ونحمرها في زيت غزير ساخن

أو

ثانيا: نغمسها في البيض أولا ثم البقسماط الناعم ثم نحمرها في زيت غزير ساخن

8 - ينشلوا من الزيت ويتركوا حتى يجفوا

9 - يرصوا في طبق مغطى بالبقدونس

بالهنا والشفا

كرات البطاطس

المقادير

ــــــــــــــــ

- بطاطس مسلوقة (الكمية وفق الرغبة)-

بطاطس مبشورة (غير مسلوقة)

للحشو:

ــــــــــــــــ

جبن موتزريلا مبشور.-

زعتر جاف.-

لبنة.-

ملح وفلفل.

الطريقة:

ـــــــــــــــــ

تهرس البطاطس المسلوقة مع البطاطس المبشورة جيدا حتى تندمج تماما.

- تخلط في وعاء آخر كل من اللبنة وجبن الموتزريلا والزعتر ويتبل الخليط بالملح والفلفل.

- يؤخذ كمية من الحشو، وتوضع داخل كرة من البطاطس المعدة سابقا، ثم تقفل من اعلى مثل الكرة.

- يكرر السابق حتى انتهاء الكمية.

- تقلى كرات البطاطس المحشوة في زيت غزير ساخن حتى يصبح لونها ذهبيا.

- ترفع من الزيت وتوضع على منشفة ورقية حتى تمتص الزيت الزائد،

وتقدم مع السلطة الخضراء

وبالهنا والشفا

مخده صغيرة للأطفال

طريقة عمل مخده صغيرة للأطفال

أرجوا ان تنال اعجابكم

نقطع الباترون مثل ما هو موضح بالصوره

نضع قطع الباترون على القماش و نثبته لكي تسهل عملية قصه

بعد القص يكون على الشكل التالي

نخيط أطراف القطع و نقلب الخياطة إلى الداخل كما موضح بالصوره

نخيط الأذنان مع الجزء الرئيسي

بعد ذلك نخيط الجزء الدائري و نقلبه مع ترك فتحه لحشو القطعه بالقطن

نحشي القطعه بالقطن بلطف

و عند الإنتهاء ستكون على النحو التالي

و أخيراً نخيط الأجزاء المتبقة

وبالنهاية سوف نحصل على هذا الشكل الجميل

طريقة بسيطة لتقديم الحلويات في الحفلات

جبت لكم طريقة هايلة وجميلة لتقديم الحلويات في الحفلات أتمنى تعجبكم

أترككم مع الصور و الشرح

نحتاج إلى

ـــــــــــــــــــــــــــــــ

عدة أنواع من الحلويات

صحون دائرية بأحجام مختلفة

أعواد (خِلة) أعواد أسنان

ناخد الصحون ونرسم بيها دوائر على

polystyrene

باحجام مختلفة كما هو واضح في الصور

ونثبتهم بالغراء فوق بعض

ونبدأ بترتيب الحلوى بــ (الخلة) أعواد الأسنان

القشطلية

قشطلية أهل الخليج والشام واليمن

القشطلية بتاعتــي

علشان خاطر عيون أجمل موني صاحبة أجمل مطبخ فيكي يا مدونات جمهورية مصر العربية هقدم طريقة عمل القشطلية

بس فيه حاجه مهمة يا موني إني لما عملت الصنف ده كان اختراع من بنات أفكاري ولهذا قصة

كان ليا جارة سورية قالتلي إنهم بيعملوا الصنف ده وشرحتهولي بس كانت بتضيف ليه مياه مش حليب

أنا بقى أضفت حليب وطلع رائع ولما قلت لإحدى صديقاتي المتزوجة من رجل يمني قالتلي دي القشطلية

لذلك هكتب ليكي طريقتي ببساطة وبعدين أكتبلك المقادير والطريقة بدقة شديدة تبع أهل صنع القشطلية

قشطلية المصــرية

ـــــــــــــــــــــــــــــــ

لا تختلف عن طريقة عمل حلاوة الدقيق إلا في حاجتين بس

سميد البسبوسة بدل الدقيق

الحليب المذاب فيه السكر بدلا من الماء المذاب فيه السكر

وعلى فكرة أنا بعمل أكلاتي بالبركة

يعني تحطي سميد في سمن أو زيت على النار لغاية لما لونه يتغير شوية صغيرين1-

تكوني مجهزة الحليب المذاب فيه السكر2-

تصبيه على السميد مع الخفق المستمر ولو حسيتي إنه هيكلكع اضربيه في الخلاط3-

بعد كده وحسب الرغبة تضيفي جوز هند للخليط4-

وممكن لو حبيتي تزوقي الوش بالمكسرات وجوز الهند5-

ملحوظة:

ــــــــــــــــ

الصنف بتاعي ده مش بيبقى جامد زي القشطلية المتعارف عليها أنا بعمله بيبقى قريب من المهلبية

كده كتبت ليكي طريقتي

تعالي بقى للطريقة اللي بالمقادير علشان أنا عارفة إنك بتحبي المقادير الدقيقة

***********************************************************

المقادير

ـــــــــــــــــــــــ

ثلاث أكواب حليب بودرة

كوب ونصف سميد

كوب سكر

بيضتين

ملعقة طعام ماء زهر

ثمانيه ونصف إلى 9 أكواب ماء

علبتين قشطة

كيس دريم ويب

الطريقة

ـــــــــــــــــ

سنضع السميد والحليب والبيض والسكر في قدر

ثم سنضيف إليه الماء ونخفقه جيداً بواسطة خفاقة اليد أو مغرفة عادية إلى أن يمتزج الخليط مع بعضه جيداً

ثم سنضع القدر على النار مع التحريك المستمر إلى أن يغلي فنحركه دقيقتين ثم نرفعه عن النار

ونضيف إليه ماء الزهر ونحركه جيداً ثم نسكبه في طبق

والآن نتركه جانباً

سنضع القشطة والدريم ويب في طبق ونخفقهم معاً جيداًثم نسكبها فوق الطبق ونفردها بالتساوي

والآن فوق الطبق سنرش قليل من جوز الهند ثم نرش قليل من الفستق الحلبي

ثم يوضع في الثلاجة على الأقل 12 ساعة ثم يقطع ويقدم

ملاحظة

ـــــــــــــــــ

انتظري إلى أن يبرد الطبق خارج الثلاجة قبل وضعه فيها

ويمكنك تركه إلى أن يبرد ثم ضعي عليه الكريمة المخفوقة مع القشطة وبعدها ضعيه مباشرة في الثلاجة

لو عجبك الصنف ده ونفذتيه يا موني قوليلي النتيجة وصحتين وهنا على قلبك مقدما