Thursday 15 January 2009

طريقة عمل الشاورما بالبيت احلى من المطعم وعلى ضمانتي

طريقة عمل الشاورما بالبيت احلى من المطعم وعلى ضمانتي
بإمكانك برضه تعمليها باللحم
ـــــــــــــــــــــــــــــــــــــــــــــــــ
مقادير الدجاج والتتبيلة
ــــــــــــــــــــــــــــــــــــــ
صدور دجاج الكميه الي تحتاجيها انتي وهنا أنا حطيت 6 صدور
نص كباية زيت زيتون
نص كاس عصير ليمون وادا يزيد افضل
بهار اسود او ابيض وفلفل احمر وملح
واذا تحبي حطي علبة زبادي



مقادير العجينة:

ـــــــــــــــــــــــــــــ



ثلاث كبايات دقيق



كوب وربع ماء



ملعقه كبيره بيكنج بودر



شوية ملح



ملعقه كبيره سكر



بيضه

ـــــــــــــــــــــــــــــــــــــــــــــــــــــــــــــــــــــــــــ



مقادير السلطة:

ـــــــــــــــــــــــــــ





خس مقطع شرائح صغيرة



طماطم مقطعة شرائح او مكعبات



مخلل خيار



صلصة طحينة وشطة



نوعية السلطة حسب الرغبة لكل منا







الـــــــــــطــريــقـــة:


ــــــــــــــــــــــــــــــــــــــ








نتبل الدجاج بخلطة التتبيل( الزيت والليمون والبهارات والملح والزبادي





ونتركهم يوم كامل بالثلاجة حتى يتشربوا بنكهة الخلطة








نضع صدور الدجاج المتبلة في مقلاية تيفال لقليها مع زبدة كافية حتى يحمر لونها وليس المطلوب تمام النضج










ثم نقطع الدجاج إلى شرائح مستطيلة بعد التحمير الخفيف













طريقة عمل العجينة لإعداد الأرغفة:

ـــــــــــــــــــــــــــــــــــــــــــــــــــــــــــــــ
نخلط الدقيق والملح والخميره والسكر والماء


نتركها ساعه كامله ونص حتى تختمر العجينة


المقدار ده يكفي 15 رغيف قسميها الى 15 كورة من العجين


نفرد كل قطعة من العجين الذي كورناه بالفراده او النشابة إلى أرغفة رقيقة













هنحتاج صاج تيفال او مقلاية تيفال ليست مخدوشة حتى لا تحترق الأرغفة الرقيقة


نخبز كل قطعة فردناها على شكل دائري في المقلايه على النار ويراعى التنظيف بين كل رغيف والآخر لمنع احتراق الأرغفة وسوادها وتحولها إلى الطعم المر







ده الشكل النهائي للعيش بعد ماخبزناه




بعد الانتهاء من خبز الارغفة نضع في كل رغيف شرائح الدجاج والسلطة (الخس وصلصة الطحينة والمخلل) ونلف كل رغيف بشكل اسطواني



ده هيكون الشكل الأخير لساندوتشات الشاورما



أكلة شاورما جنان بجد ضروري تجربوها

7 comments:

  1. شملوله
    انا عندى طريقه للعيش
    ان شاء الله ابقى اجيبها لك
    وطبعا طريقه جميله
    وكمان طريقة عرضك تفتح النفس ماشى
    نعمله ونقولك على النتيجه
    دمتى بخير وبود

    ReplyDelete
  2. إلحقينا بيها يا أم البنات

    بصراحه أنا موضوع خبز العيش داخل المنزل عملته بنفسي مرة واحدة لما عملت حواوشي

    وطلع رائع جدا الحقيقة

    والعيش اللي مع الشاورما ده شفته قبل كده بيعملوه الهنود الصبح ويرشوا عليه سكر ناعم بس بيبقى أنشف من كده يعني بيسووه أكتر ف المقلايه على النار

    لما تملي الشاورما قوليلي

    وانا كمان هجربها بإذن الله

    شكرا لمرورك العطر

    لكي خالص مودتي

    و..تــحــيـــاتـــي

    ReplyDelete
  3. شملوله هانم, حلو كتير البلوج بتاعك...يا ريت تنضمي للنادي بتاع البلوجرز العرب اسمه
    " وليمه" . ابعتي لي ايميل على عنواني , موجود في البروفايل في البلوج بتاعي,
    عندنا مجموعه حلوه من البلوجرز العرب المهتمين بالطبخ و كلهم عندهم بلوجز طبخ حلوه كتير....راح نعمل تحدي للطبخ كل شهر و اول تحدي حيكون من الجزائر لوصفتين, لك الأختيار لوصفه منهم, بنحب تشاركينا فيه.
    الشاورما بتجنن! شكرا
    :)

    ReplyDelete
  4. أهلا ميمي

    شكرا على زوقك واهتمامك بانضمامي ليكم

    بس أنا مش قدكم انتم شطورات كتير ماشاء الله عليكم وأنا لسه مبتدئة

    هبعتلك بإذن الله على إيميلك

    خالص تحياتي

    ReplyDelete
  5. بجد انت ما شاء الله عليكي و على وصفاتك الحلوه...لسه بنستناكي تنضمي النا في نادي الوليمه...ما تستهينيش بكفائتك المطبخيه و بوصفاتك الحلوه و اللذيذه...كل اللي بدنا اياه انك تكوني مهتمه بالطبخ و عندك بلوج ألا اذا كنتي مشغوله كتير فأحنا بنتفهّم الوضع...و احنا في الوليمه ما بنحبش نضغط على حد :)
    تحياتي لأحلى هانم في مصر

    ReplyDelete
  6. يا سمورة

    أنا عندي بلوج وبحب الطبخ وبحب الستات اللي بيطبخوا ستات البيوت الحلوين

    بس لما بشوف اللي بتعملوه بحس إني ولا حاجه

    أنا جنبهم عصفورة بين النسور

    ربنا يحميكم ويحرسكم

    يعني إنتي شفتي شهيرة الخبيرة عاملة أكلات شكلها إيه؟

    لا لا لا خليني من الشعب

    مالي أنا ومال صفوف الملكات ؟

    بس تعرفي يا سمورة أنا سعيدة بيكي وباهتمامك بانضمامي

    ربنا يخليكي ليا حبيبتي

    دمتي سالمة بحفظ الرحمن

    ReplyDelete