نزولا عند رغبة الجماهير اللي هما
نكهة المغربية ( وش بيضحك قوي ) طبعا هي قليلة ؟ دي بتعمل الكسكسي بالكسكاس
هقدم النهاردة الكشري الإسكندراني إللي هو الكشري الأصفر
وده طبعا غير الكشري المصري اللي هبقى أحطه ليكم برضه علشان أكون وفيتي بوعدي لحبيبتي نكهة المغرب الجميلة
المقادير
ـــــــــــــــــــــــــ
2 \1 2 كوب أرز -
كوب عدس أصفر -
4ملاعق زيت ذرة -
مقدار من الملح حسب الرغبة -
3بصلات -
مقدار من الزيت للتحمير -
كيلو طماطم للصلصة -
4فصوص ثوم مفرى -
1ملعقة صغيرة كمون
الطريقة
ـــــــــــــــــــــ
1-
يضاف العدس مع الأرز ويغسل جيدا.
2-يسخن الزيت ويضاف إليه مقدار الماء والملح ونتركه على النار حتى يغلى
.3-يضاف إليه الأرز حتى يتشرب ثم نهدى عليه النار حتى ينضج
.4-ثم نحمر الثلاث بصلات حتى يصفر لونها فقط وتصفى من الزيت.
5-ثم تضاف إلى الأرز ويقلب ونتركه على النار 5دقائق ثم نطفئ النار عليه
لعمل الصلصة
ـــــــــــــــــــــــــــــــــ
نعصر الطماطم ونصفيها ثم يسخن الزيت ويحمر فيها الثوم المفرى ويضاف إليه الطماطم والكمون والملح ونتركه على نار هادئة حتى تنضج وتتسبك قليلا.-
يقدم الكشرى بجانب الصلصة
وممكن مع الأكلة دي نحمر بطاطس ومتنسوش السلطة الخضراء
أنا كمان بسلق بيض وبعدين أقشره وأحمره
بالهنا والشفا
شكرا يا جميل على الكشري بس هو من غير مكرونة؟
ReplyDeleteو العدس بيستوي مع الارز؟
حبيبي يا اسكندراني
ReplyDeleteبعمله بالزبدة وبيبقى اخف واحلى ميت مرة من الزيت
كمان بحمر بصلة له في الأول قبل الرز والعدس وبسيب بصلتين متحمرين في الزبدة وبعد الغرف احطهم على الوش في الطبق مش في الحلة
كنت ها أتأثر جدا لو مقلتيش البطاطس والبيض المسلوق المتحمر في الزبدة برضك لأنهم تراث غالي
جربي كده نفس الاكله بالزبده ونلتقي بعد الأكل وتقولي لي رايك
تسلم ايدك
لا يا نكهة الصنف ده من غير مكرونة
ReplyDeleteده بنستخدم فيه العدس الأصفر والرز فقط
العدس والرز بيتحطوا مع بعض ويتخلطوا ويتغسلوا وبعدين تحطيهم على النار كأنك بتطبخي رز عادي خالص
يارب تعرفي تعمليه يا نكهة وانتبهي لكمية المياه علشان مش يتعجن منك
اي خدمه يا حبيبتي
باقي كده الكشري المصري والمهلبية هحطهم ليكي من عيوني
بحبك قوي
يا جميل يا جامد يابتاع الزبده يا رايق
ReplyDeleteبصي بقى يا ستوته
أنا أصلا مش بحط بصل خاااااالص
بطبخه عادي جدا زي ماكون بفلفل رز وبحط توابل ملح وفلفل وكمون ناعم
وجنبه بقى سلطات وبطاطس وبيض مسلوق ومتحمر
موضوع البصل كنت بعمل زيك بصلتين كده في الاول قبل ماصب الرز والعدس بس بطلت
تفتكري ليه؟
لأني مكبرة الــ دي ومروقة الــ جي
دي أولا
وثانيا إني بخللي ولادي هما اللي يعملوه تحت إشرافي لذلك هيبقى صعب عليهم موضوع البصل وانا لو الدنيا اتشقلبت مش هقوم أعمل البصل
مش بقول لكم شملولة ؟
هجربه بالزبدة واقولك المزاق عامل ازاي
بحبك يا زبدة
الله عليكى يا مصرية
ReplyDeleteانا كمان بعمل معاه بيض مسلوق وسلطة
دى اخف اكله تتعمل فى الصيف
والصلصة بحب احط فيها شطة شوية صغيرين
بالثوم والفلفل كمان
والاكبر بقى لما نعمل معاه مسقعة
تسلم ايدك
تقبلى مرورى
و الله يا شملولة اللي منعني من التجربة دي النهارده هو العدس الاصفر معنديش لو مان عندي لعملت الكشري على العشى
ReplyDeleteبس ان شاء الله لما أجيب العدس حفرخك على الكشري اللي بجد يعيننننيييييييي
تسلميلي يا قمر و الله تعبتك معايا
بس خلاص يا حبيبتي صبرني يا رب شالت عنك الطعمية مفضلكيش غير المهلبية و الكشري المصري
ههههههههههههه
مش كتير
السلام عليكم ورحمة الله تعالى وبركاته عزيزتي المصرية شملولة هانم
ReplyDeleteكيف احوالك ان شاء الله بخير وبصحة وعافية هدا الطبق جميل واكيد لديد ايضا ان شاء الله ساجربة لاني في حياتي ما دقت الاطباق المصرية اكيد انه غني باطباق لديدة انا اسمع عن الكبسة فيريت يوم من الايام تقدمين الطريقة واكون شاكرة لك اختي
تسلمي وان شاء الله ليلة سعيدة
يممممممم
ReplyDeleteهابقى اجربه ان شاء الله ..
بس اسمك الجديد عاجبنى جداااااا..
شملولة هانم ..
هههههههههههه
وحشتينى جدا والله يامصرية ..
جزاكِ الله خير ..
دمتِ بخير ..
هو إنتي وصلتي للطعمية يا نكهة؟
ReplyDeleteيابنتي تعالي نديكي الجنسية المصرية وخلاص
بإذن الله في أقرب وقت هحطلك الكشري المصري والمهلبية
بس هحط الكبسة لياسمين الأول علشان ضيفة جديدة
كلي إنتي كشري اسكندراني لغاية لما أطبخ الكبسة
مواااااااااااااه
وعليكم السلام ورحمة الله تعالى وبركاته
ReplyDeleteأهلا ياسمينة المغربية الحبيبة
منوراني ومشرفاني
يا حبيبتي كل المطبخ المصري تحت أمرك بس إنتي أطلبي
بالنسبة للكبسة هي أكلة خليجية وشهيرة جدا بل وأساسية بالمطبخ الخليجي
فيه منها بالدجاج وفيه منها باللحم
هشرحلك الطريقتين بإذن الله
ربنا يبارك فيكي وأشكرك لكلماتك الجميلة
دمتي سالمة بحفظ الرحمن وأمانه
لوجي حبيبتي
ReplyDeleteيارب تكوني بخير ومتوفقة في المواضيع اللي شاغلاكي عننا
بقى إسم شملولة هانم جديد؟
ده قديم جدا من وقت فتح مدونة بيت العز بس إنتي ماكنتيش بتيجي تاكلي عندي
وبعدين الكشري الإسكندراني ده تبعنا يا اسكندرانية يا جميلة
إنتي وحشاني خالص ومواضيعك كمان
يللا بقى إفضي لينا وتعالي
بحبك قوي قوي قوي
يا بختك يا ياسمين مين قدك حتكلي كبسة من ايد الشملولة
ReplyDeleteاول مرة اعرف بالاكلة دي
ReplyDeleteانا بعرف الكشري الي بالعدس الحب والمعكرونة
انا بكره ناوية اعمل مجدرة لو تعرفيها
شبيهة بالكشري بس ارز وعدس حب وبصل انا بعشق البصل بكل الاكلات ممممممممممم
تسلم ايدك ياقمر بفكر اعمل عينة من المجدرة وعينة من الكشري بتاعك بكره
واشوف جوزي هتعجب اي اكلة اصله مجنني في الاكل
دلووع عالاخر :)
ومنتظرة طبعا الكبسة والكشري والمهلبية ومنك نستفيد ياجميل
اموووووووووووواه
بحبك موووووووووت
شملوله بصي
ReplyDeleteعندنا بقى مش بنعمله كده
انا باعمله الرز اد العدس تقريبا
وبعدين مش باعمله تقليه خااااالص مالص بالص
باسويه فى مايه زي الرز كده
بس اظبط الميه عشان ما يعجنش
وبعدين باعمل جنبه بقى زيك بيض مسلوق ومحمر وبتنجان مقلي وبطاطس وفلفل مقلي وسلطه
وناكله ونتخن ونقعد يومين مش عارفين نتنفس
هههههههههههههههههه
تسلم اديكى يا قمر
يابت يا شقية انتي بطلي تعاكسي بلدياتك
ReplyDeleteربنا يستر عليكي يا ياسمينة دلوقتي تيجي تعمل الكبسة تطلعلها مربة فراخ
نياهاااااااااااااا
أيوه أنا عارفه المجدرة يا أجمل غزاوية
ReplyDeleteاعملي التجربة بس أوعي يعجن منك أحسن شكلي قدام جوزك يبقى وحش قوي وسمعة مصر تتأثر في فلسطين
مواهين على الخد اليمين ومواهين على الخد الشمال وحضن كبير
وطبعا بحبك ده انتي بنت أختي أساسا
يا صبصب يا رايق يا جميل يا عاجبني
ReplyDeleteمانا حطيت الطريقة الأساسية في اسكندرية
لكن كتبت في التعليقات إني بعمله زيك بالظبط
ولا تقلية ولا مهلبية
كأني بفلفل رز عادي بس بزود كمون مع الملح والفلفل
وجنبه كل الحبشتكانات بقى
ولظلظي يا مصرية وربربوا يا عيال
هما الرجاله بيبصوا لهيفاء وهبي من فراغ
جتنا نيلة في حظنا الهباب
بحبك قوي يا بت يا صبصب انتي وعاجباني
ربنا يديكي الصحة ويحميكي
ألحقيني يا ماما يا عسل
ReplyDeleteالقمورة صبرني حتنزل فراخ بالفريك
خلاص انا كده كل أحلامي تحققت
معدش لازمت أنزل لمصر ههههههههههههه
و الله شفت الاعلان عندها اتهوست ههههههههههههه
معلش اهي وحدة هبلة استحملوها
مووووحححححححح
بس متنسيش البالي بالك اااااهههههه مهو الفراخ كوم و الكشري و المهلبية كوم تاني
وااااااااااو
ReplyDeleteإيه الإخبارية اللذيذة دي
أنا بحب الفريك بالفراخ قوي يا نكهة
كده الهبل زادوا واحده كمان خديني جنبك
هروح طيران عند صبصب واملي عيوني من أكلها اللذيذ
عملتي الكشري ولا لأ يا كوكو؟
واتطمني اللي بالي بالك هينزل في بوستات قريبة بإذن الله
إنت تؤمر يا قمر المغرب
مواااااااه
تسلميلي يا غزااااللل
ReplyDeleteالكشري انشاء الله بعد مرجع من السفر و الله حتوحشوني مووووتتتت
و الله حفتقدكم جدا
حغيب عنكو اسبوع و انشاء الله أرجع و لقيكم بخير
رايحه فين يا كوكو؟
ReplyDeleteهتوحشيني قوي قوي قوي
يارب تسافري وترجعي بألف سلامة
خدي بالك من نفسك
أحبك في الله
و الله انتو كمان حتوحشوني يا خسارة مش حقدر أدخل على النت في السفر بس انشاء الله بعد السفر حفضى ليكم و نعوض اللي فاتنا ههههههههههههه قصدي اللي حيفوتني
ReplyDeleteممممممممموووووووووووووححححححح
السلام عليكم يا شملولة يا مصرية اسكندرنية:)
ReplyDeleteمعلش علي التأخير
(وش مكسوف زي الطماطم بالضبط)
بس و الله ما عارفة اتلفت حتي
المهم
انا بمووووووت في الكشري ده موووت
بس للأسف مش بتهني عليه
لان لازوجي ولا اولاديبياكلوه
لازم الاكل يكون فيه اي نوع من انواع اللحوم علشان يتفضلوا علي و ياكلوه
فبقيت اعملهم الكشري الاسكندراني اللي هقولك عليه دلؤتي و بقي بيتنسف نسف
كان الشيف شربيني بيقول ان الكشري اللي بالرز و العدس بس ده بتاع الدلتا
بعني بتاع وجه بحري
اما السواحلية زي الاسكندرنيه فالكشري عندهم في اضافة علي كده
انهم بيحطوا جمبري صغير بتاع الرز ده مع الكشري
مع بعض يعني
يعني بدل ماتشوحي البصل كده من غير حاجة
هم بيشوحوا البصل مع الجمبري و بعين يعايروا الماية و يظبطوها و عند الغليان يحطوا خليط الرز و العدس
و الشيف ساعتها قال ان الكشري ده بأه هو الي اسمه كشري اسكندراني
طبعا انت ادري :))
تسلم ايدك يا قمر
يا جميل يابتاع الوصفات الفظيعه
ReplyDeleteمش أعرف موضوع الكشري أبو جمبري ده
أصل أنا أساسا اتولدت وعشت سنيييييين في القاهره
أنا هنا من 6 سنين فقط
وبالنسبة ليا يوم الكشري يبقى بطاطس محمرة وبدنجان مقلي وبيض مسلوق ومحمر
يعني حبشتكانات وأكله مضروبة
أحيانا بحمر فراخ علشان ألظلظ حبايبي
وعرفت إن فيه بلاد بياكلوا جنبه سمك مشوي تقريبا
لكن أنا بحب الإختراعات وهعمله بإذن الله بالجمبري للتغيير والتنوع وأنا أصلا عندي كيس جمبري في الفريزر
شكرا ياللي بتعلميني الأكلات المفتكسه الغاليه
مواااااااااااااااااه
انا كمان بحب الكشري بالعدس و جنبه بيض محمر و بطاطس محمرة و يا سلام لو بتنجان مخلل
ReplyDeleteطيب خدي الطريقة بالضبط زي ما الشيف قالها في البرنامج بالضبط لو ناوية تعمليه
:)
المقادير:
كيلو رز بسمتي او مصري
(مش هتفرق)
2 بصلة متوسطة مبشورة
طماطم مقطعة مكعبات صغيرة
سمك فيليه و جمبري و سبيط
(100 جرام لكل صنف)
حمص شام بدل العدس
خمس فصوص ثوم
ممكن فلفل اخضر
المهم بشوحي البصل لما يذبل تحطي الثوم و قطع الطماطم الصغيرة و الفلفل الاخضروالطماطم تنزل الصوص بتاعها
و بعدين تنزلي السبيط و تقلبي 3 دقائق و الجمبري و بعدين السمك و تقلبي تقليبه و بعدين تحطي الرز و تقلي كويس لحد ما الرز يشرب من الخلطة و نحط كسبرة ناشفة مطحونة و ملح و فلفل و كمون
و نحط الماية بتاعة التسوية
و لما يستوي الرز
نغرفه و زينه بالحمص الشام
انا بعمله بالرز و العدس و ممكن ازين بالعدس في الاخر وساعات بطنش
طبعا بعد الغلبة ديه هتطنشي و تسيبك من الكشري الساحلي ده خالص
يا حبيبتي يا موني إنتي جميلة خالص وبتحبي توصفي كل حاجه بدقة شديدة
ReplyDeleteعلشان خاطر تعبك في الكتابة هعمله بإذن الله
وهخللي يوسف إبني اللي غاوي طبخ قوييييييي يقولك رأيه
سوفه عنده 11 سنه وبيفتكس حاجات غريبه يفاجئنا بيها
بس أخواته بيجروا وراه علشان يضربوه لأنه بيبهدل المطبخ
وأنا بجري أسبقهم علشان أدافع عنه علشان هو حبيبي شبه القطه
هعرفك بيه قريب لما يعمل مدونته الخاصة بإذن الله
إسكتي يا موني النهارده عملت عمله سوده
اتصلت بمطعم أبو فارس السوري وجبت حاجات من هناك من ضمنها فتة سي فود
مش طايقه من وقتها عندي غثيان
بس عاملينها الطريقة دي:
ـــــــــــــــــــــــ
من تحت عيش أبيض محمصينه وحاطين عليه مرقة علشان يبقى طري
من فوقه رز بني بتاع الصيادية
على الوش حاطين فواكه بحر مختلفة الأشكال مطبوخة مع صوص ماميزتش منه غير شبت كتير وتقريبا كسبره خضرا
ومعاهم مشروم
بس ازاي عاملين الصوص اللي زي الكريمه ده مش عارفه
أيوه صحيح وبالتوم مش البصل
لو عرفتي ابقي قوليلي
على فكرة مش قاليين فواكه البحر نهائي
موااااااااااااه
so delicious
ReplyDeletei made it today
i descover your blog on arabia cooking
it' very nice with delicious recipes
take care
Touria
مرحباً،
ReplyDeleteإسمي نانسي مطر وانا أعمل في مجال الطبخ والوصفات على الإنترنت. إكتشفت مدونتك وأنا معجبة جداً بها، وكنت أحاول الإتصال بك لمناقشة موضوع يخص المدونة، لكن للأسف لم أجد الوسيلة.
هذا بريدي الإلكتروني : nancy@shahiya.com الرجاء ان ترسلي إلي بريدك الألكتروني لأكتب لك ونناقش التفاصيل.
مع فائق الإحترام